COLGATE-PALMOLIVE ŞİRKƏTİNİN QLOBAL MƏXFİLİK SİYASƏTİ
Son yenilənmə: Yanvar 2024
Colgate-Palmolive şirkəti və onun törəmə şirkətləri və filialları ("Colgate" və ya "biz" və ya "bizim", yaxud "bizə") məxfiliyinizə hörmətlə yanaşır və sizinlə olan münasibətinə yüksək dəyər verir. Bu səbəbdən Şəxsi məlumatlarınızla məsuliyyətli şəkildə (aşağıda müəyyən edildiyi kimi) davranır və Şəxsi məlumatlarınızı necə topladığımızı, istifadə etdiyimizi, açıqladığımızı və qoruduğumuzu bilməyinizi istəyirik. Bu Məxfilik siyasətində Şəxsi məlumatlarınızla bağlı bizim qaydalarımız və sizin hüquqlarınız təsvir olunur.
Həmçinin bu Məxfilik siyasətində diş həkimləri, kosmetoloqlar, baytarlar və tələbələr, habelə səhiyyə mütəxəssisləri kimi peşəkarlara ("Peşəkarlar") peşəyönümlü xidmətlər ("Peşəkar xidmətləri") göstərmək üçün onlar barədə topladığımız Şəxsi məlumatlarla davranış üsullarımız təsvir olunur.
Bu Məxfilik siyasətində biz veb-saytlarımız, tətbiqlərimiz, cihazlarımız, sosial şəbəkələrdəki səhifələrimiz, e-poçtlarımız, reklamlarımız, məhsul tövsiyələrimiz, oflayn əməliyyatlarımız və peşəkar xidmətlərimizi ümumilikdə "Xidmətlər" adlandırırıq. Müəyyən Xidmətlər və ya təkliflərlə əlaqədar əlavə bildirişlər göndərə bilərik.
ŞƏXSİ MƏLUMAT NƏDİR?
Şəxsi məlumatlar kimliyinizi müəyyən edən, təsvir edən və ya əsaslı şəkildə sizinlə əlaqələndirilə bilən məlumatlardır. Bu, ad və e-poçt ünvanı kimi məlumatları ehtiva edir və bura aşağıda təsvir olunduğu kimi digər eyniləşdirmə məlumatları da daxil ola bilər.
QOŞULMUŞ CİHAZLAR
Biz həmçinin Hum by Colgate diş fırçası və Colgate Connect E1 Smart diş fırçası və Colgate Whitening LED diş bəyazlatma dəsti ("Cihazlar") daxil olmaqla İnternet bağlantısı olan sağlamlıq cihazlarımızla əlaqədar olaraq aşağıdakı yollarla Şəxsi məlumatları toplayır, istifadə edir və açıqlayırıq.
Diş fırçalama prosesinizi qiymətləndirmək üçün istifadə olunan texnologiya üzünüzü və diş fırçalama texnikanızı təhlil edən alqoritmləri ehtiva edir və cihazınızda real vaxt rejimində işləyir (və bu səbəbdən bu məlumatlar Colgate şirkəti tərəfindən toplanmır və qeydiyyata alınmır). Biz bu məlumatı cihazınızdan toplamırıq və ona cihazınızdan giriş etmirik, həmçinin bu texnologiyadan kimliyinizi müəyyən etmək üçün istifadə etmirik.
Biz Xidmətlərin funksional imkanlarını təqdim etmək, məsələn, Tətbiqlərimizdən istifadə edəndə fəallığınızın həftəlik xülasəsini təqdim etmək, sizi daha yaxşı anlamaq və maraqlarınıza uyğun məzmun, informasiya və təkliflər təqdim etmək, habelə Xidmətlərin istifadəsini yaxşılaşdıra bilmək üçün bu barədə məlumatı təhlil etmək məqsədilə Şəxsi məlumatlardan istifadə edirik. Şəxsi məlumatlardan necə istifadə etdiyimiz haqqında daha ətraflı məlumat almaq üçün aşağıdakı bölməyə baxın.
ŞƏXSİ MƏLUMATLARDAN NECƏ İSTİFADƏ EDİRİK?
Biz və bizim adımızdan çıxış edən səlahiyyətli üçüncü tərəf xidmət təminatçıları istehlakçılar, ictimaiyyət, Peşəkarlar və pərakəndə müştərilərimizlə interaksiyamız zamanı qanuni işgüzar məqsədlər üçün Şəxsi məlumatlardan istifadə edirik. Aşağıda Şəxsi məlumatlardan necə istifadə etdiyimizə ümumi baxışı təqdim edirik.
İSTEHLAKÇILAR VƏ İCTİMAİYYƏTLƏ MÜNASİBƏTLƏR
PEŞƏKARLAR, PƏRAKƏNDƏ MÜŞTƏRİLƏR VƏ BİZNES TƏRƏFDAŞLARI İLƏ MÜNASİBƏTLƏR
Peşəkarlardan, pərakəndə müştərilərdən və biznes tərəfdaşlarımızdan topladığımız məlumatlara aşağıdakılar daxildir: tərcih edilən dil; peşəkar bioqrafiya və təhsil; onlayn mağaza hesabının nömrəsi və ID-si; lisenziyalarınız, ixtisaslarınız, üzvlüyünüz, nəşrləriniz, səlahiyyətləriniz və digər nailiyyətləriniz haqqında məlumatlar; və məhsullarımızın istifadəsi və alınması ilə bağlı məlumatlar, o cümlədən müvafiq olduqda kredit kartı haqqında məlumat, bizimlə interaksiyanız və qayğısına qaldığınız şəxslər üçün xidmətlər. Aşağıda Peşəkarların Şəxsi məlumatlarından necə istifadə etdiyimizə dair ümumi baxışı təqdim edirik.
BAŞQA İSTİFADƏ MƏQSƏDLƏRİ VƏ AÇIQLAMALAR
Şəxsi məlumatlarınızın bu cür istifadəsi və açıqlanması yaşadığınız ölkədən kənarda baş verə bilər.
Biz sizinlə münasibətlərimizi idarə etmək, hüquqi öhdəliklərə əməl etmək və ya sizə xidmət göstərmək, sizinlə olan müqaviləni icra etmək üçün bu fəaliyyət növlərini həyata keçirir və şəxsi məlumatlarınızı emal edirik (bu cür emal üçün razılığınız olduqda və ya bu, qanuni maraqlarımıza uyğun olduqda və məlumatların qorunması sahəsindəki maraqlarınıza və ya əsas hüquqlarınıza zidd olmadıqda).
Colgate sizə aid Şəxsi məlumatları ödəniş qarşılığında satmır və mübadilə etmir. Colgate-in şəxsi məlumatlarınızı üçüncü tərəflərə necə açıqlaya biləcəyi, eləcə də sizin üçün mövcud olan məhdudlaşdırma və ya bu açıqlamanın dayandırılması seçimləri haqqında əlavə məlumatlar üçün "Şəxsi məlumatların açıqlanması ilə bağlı seçiminiz" bölməsinə baxın.
Şəxsi məlumatlarla bağlı stimullaşdırma
Biz Şəxsi məlumatlar müqabilində istehlakçılara və ya Peşəkarlara bonus kartı, endirim və ya kupon kimi maliyyə təşviqi və ya xidmət fərqləri olan proqramlar təklif edə bilərik. Adınız, e-poçt ünvanınız, tərcihləriniz, təcrübələriniz, Colgate ilə qarşılıqlı əlaqəniz ("İstehlakçı məlumatları") kimi Şəxsi məlumatlarınızı toplaya bilərik. Bu proqramlarda iştirak edirsinizsə, istənilən vaxt ləğv edə biləcəyinizlə bağlı razılığınızı alacağıq. Nəzərə alın ki, razılığın ləğv edilməsi bu proqramlarda iştirak hüququnuza təsir göstərə bilər. Qiymətləndirmələrimizə görə istehlakçının məlumatlarının dəyəri kampaniya və ya sorğu ilə əlaqədar sizə təklif etdiyimiz mənfəətin dəyərinə bərabər olub, bu cür mənfəətin təklif edilməsi ilə bağlı xərclərə uyğundur.
ŞƏXSİ MƏLUMATLARI NECƏ AÇIQLAYIRIQ?
ŞƏXSİ MƏLUMATLARIN AÇIQLANMASI İLƏ BAĞLI SEÇİMLƏRİNİZ
Biz sizə marketinq məqsədləri üçün Şəxsi məlumatlarınızın istifadəsi və açıqlanması ilə bağlı seçim imkanı veririk. ABŞ-nin xüsusən Kaliforniya, Kolorado, Konnektikut, Oreqon, Texas, Yuta və Virciniya kimi bəzi ştatlarının, həmçinin ABŞ xaricindəki ölkələrin sakinləri əlavə hüquqlara malik ola bilər (aşağıda "Ştata xas Məxfilik hüquqları" və "Ölkəyə xas Məxfilik hüquqları"bölmələrində təsvir edildiyi qaydada).
Siz aşağıdakılara abunəlikdən imtina edə bilərsiniz:
- Bizdən elektron məktubların alınması:Artıq bizdən marketinq xarakterli elektron məktublar, mətn mesajları və ya SMS mesajları almaq istəmirsinizsə, hər mesajın sonunda verilən təlimatlara əməl edərək və ya İstehlakçılarla münasibətlər şöbəsi ilə əlaqə saxlayaraq onlardan imtina edə bilərsiniz.
- Bizdən məlumatlandırıcı bildirişlərin alınması: Artıq məlumatlandırıcı bildirişlər almaq istəmirsinizsə, cihazınızın parametrlərindən bu bildirişləri qeyri-aktiv edə bilərsiniz.
- Peşəkar xidmətlərimizlə bağlı marketinq mesajlarının alınması: Peşəkar xidmətlərimizdən istifadə edir, lakin bizdən marketinq mesajları almaq istəmirsinizsə, İstehlakçılarla iş şöbəsinə . müraciət edərək onlardan imtina edə bilərsiniz. Sorğunuzda adınızı və artıq bizdən məktub almaq istəmədiyiniz ünvanınızı göstərin.
- Şəxsi məlumatlarınızın birbaşa marketinq məqsədilə törəmə şirkətlərə və ya filiallara ötürülməsi: Şəxsi məlumatlarınızın gələcəkdə birbaşa marketinq məqsədilə törəmə şirkətlərimiz və ya filiallarımıza ötürülməsini dayandırmağı seçdiyiniz halda, İstehlakçılarla iş şöbəsinə müraciət edərək bu cür paylaşımdan imtina edə bilərsiniz.
- Şəxsi məlumatlarınızın birbaşa marketinq və ya təhlil məqsədilə tərəfimizdən üçüncü tərəflərə ötürülməsi: Şəxsi məlumatlarınızın gələcəkdə birbaşa marketinq məqsədilə törəmələrimiz olmayan üçüncü tərəflərə ötürülməsini dayandırmağı seçdiyiniz halda, İstehlakçılarla iş şöbəsinə müraciət edərək bu cür paylaşımdan imtina edə bilərsiniz.
Ən qısa və mümkün zamanda sorğularınızı cavablandırmağa çalışacağıq. Nəzərə alın ki, bizdən marketinq mesajları almaqdan imtina etsəniz, biz yenə də sizə imtina edə bilməyəcəyiniz vacib inzibati və ya əməliyyat mövzulu mesajlar göndərə bilərik.
ŞƏXSİ MƏLUMATLARINIZI NECƏ QORUYURUQ
Biz təşkilatımızda şəxsi məlumatların qorunması üçün ağlabatan təşkilati, texniki və inzibati tədbirlər tətbiq edir və icazəsiz girişin qarşısını almağa çalışırıq. Təəssüf ki, heç bir məlumat ötürmə və ya saxlama sisteminin 100% təhlükəsiz olmasına zəmanət verilə bilməz. Bizimlə interaksiyanın artıq təhlükəsiz olmadığını düşünmək üçün əsasınız varsa, İstehlakçılarla iş şöbəsi ilə əlaqə saxlayaraq dərhal bu barədə bizə məlumat verin.
MƏLUMATLARINIZIN SAXLANMA MÜDDƏTİ
Biz Şəxsi məlumatları onların əldə edildiyi məqsəd nəzərə alınaraq və qüvvədə olan qanun və Şirkətin siyasətinə uyğun olaraq lazım olduğu və ya icazə verildiyi müddətə saxlayırıq.
Saxlanma müddətlərini müəyyənləşdirmək üçün istifadə olunan meyarlar:
- Xidmətləri sizə təqdim etdiyimiz müddət (məsələn, bizdə hesabınız olduğu və ya Xidmətlərdən istifadə etməyə davam etdiyiniz müddət);
- Sizinlə davam edən münasibətimizin olduğu müddət;
- Tabe olduğumuz hər hansı bir hüquqi öhdəlik olduqda (məsələn, bəzi qanunlara əsasən əməliyyatlarınızla bağlı qeydlərin silinməsindən öncə müəyyən müddət ərzində saxlanması tələb edilir); və
- Məlumatların saxlanması hüquqi mövqeyimiz çərçivəsində məqsədəuyğun olduqda (məsələn, qüvvədə olan iddia müddəti, məhkəmə prosesi, dövlət araşdırmaları və ya normativ mülahizələrlə bağlı).
HƏSSAS ŞƏXSİ MƏLUMATLAR
Biz Xidmətlərlə əlaqədar olaraq xüsusilə tələb etmədikcə sizdən Xidmətlərdə və ya onlar vasitəsilə heç bir Həssas şəxsi məlumatınızı (məsələn, sosial sığorta nömrələriniz, irqi və ya etnik mənşəyiniz, siyasi baxışlarınız, din və ya digər inanclarlarınız, biometrik və ya genetik xarakteristikalarınız, kriminal keçmişiniz və ya həmkarlar ittifaqına üzvlük ilə bağlı məlumatlarınız) bizə göndərməməyinizi və açıqlamamağınızı xahiş edirik.
AZYAŞLILARIN/UŞAQLARIN MƏXFİLİYİ – VALİDEYNLƏR VƏ QƏYYUMLAR ÜÇÜN QEYD
Əksi xüsusilə göstərilmədiyi halda, Xidmətlər mövcud qanunvericilikdə müəyyən edilən yetkinlik yaşına çatmayan şəxslər üçün nəzərdə tutulmayıb. Məsələn, ABŞ-də 13 yaşınadək olan şəxslər yetkinlik yaşına çatmayanlar hesab olunur, AİB-də isə biz Üzv dövlətlərin qanunlarına əməl edir və yetkinlik yaşına çatmayan uşaqlar barədə şəxsi məlumatları bilərək toplamırıq. Yetkinlik yaşına çatmayan uşaqlar barədə Şəxsi məlumatları bizə təqdim etdiyiniz halda, bunun üçün müvafiq səlahiyyətləriniz olduğunu və sorğumuz əsasında bu səlahiyyətinizi bizə sübut edə biləcəyinizi təsdiq edirsiniz. Bizdə 16 yaşından kiçik istehlakçıların şəxsi məlumatlarının satılması və ya ötürülməsi barədə faktiki məlumat yoxdur.
Biz uşaqların məxfiliyinə diqqətlə yanaşırıq. Başa düşürük ki, uşaqların internet və elektron poçtdan istifadəsi Şəxsi məlumatların məxfiliyi və təhlükəsizliyi ilə bağlı xüsusi narahatlıq doğurur. Bütün valideynləri və qəyyumları uşaqlarının internetdəki hərəkətlərini yoxlamağa və nəzarət etməyə çağırırıq.
Uşağınız bizə heç bir Şəxsi məlumat vermədən uşaq platformalarımızda mövcud olan məzmun və fəaliyyətlərin əksəriyyətindən istifadə edə bilər. Məsələn, https://www.colgate.az/colgate-kids səhifəsində Colgate-in uşaqlar üçün olan məhsulları haqqında məlumat, həmçinin uşaqların sağlam vərdişləri inkişaf etdirmələrinə kömək edən təlim videoları təqdim edilir. Bundan əlavə, https://www.colgate.az/power-of-optimism/accessible-oral-care səhifəsində müəllimlər, valideynlər və uşaqlar üçün nəzərdə tutulmuş şifahi tədris materialları, həmçinin uşaqlar üçün maraqlı dərslər təqdim edilir.
Uşağınızı əyləndirmək üçün biz digər saytlara keçidlər verə bilərik. Həmin digər saytlara görə məsuliyyət daşımırıq və bu saytların məxfilik siyasəti ilə tanış olmağınızı tövsiyə edirik.
Bəzən uşaqların müsabiqəyə təqdim olunan sənət işləri kimi göndərişlərini istəyə və qəbul edə və onlardan bəzilərini saytlarımızda yerləşdirilə bilərik. Bu cür göndərişlər həm oflayn, həm də onlayn rejimdə təqdim edilə bilər. Uşaq və ya valideyn bizdən uşağın fotoşəkilini və ya digər Şəxsi məlumatlarını dərc etməyimizi istədikdə biz onlardan imzalanmış valideyn icazəsi və icazə forması tələb edirik. Uşaqlar, məsələn, adi poçt vasitəsilə bizə oflayn göndəriş təqdim etdikdə bizə təqdim etdikləri bütün məlumatları saxlaya bilərik. Valideyn icazəsinin imzalanmış formasını almadığımız halda, dərc etməzdən öncə bütün oflayn materialları yoxlayırıq və onların daxilində ola biləcək hər hansı Şəxsi məlumatı silirik.
Məhdud hallarda, imzalanmış valideyn icazəsi və icazə formasına əsasən uşaqlardan Şəxsi məlumatları topladıqda qüvvədə olan qanunla valideynlərə uşaqlarından topladığımız Şəxsi məlumatları izləmək, düzəltmək, yeniləmək, gizlətmək və/və ya silmək, və/yaxud bu cür Şəxsi məlumatların toplanması, istifadəsi və ya açıqlanmasına davam edilməsi üçün icazə verməmək hüququ verə bilərik. Bu hüquqlardan hər hansı birini istifadə etmək istəyirsinizsə, bizimlə əlaqə saxlayın.
ÜÇÜNCÜ TƏRƏF XİDMƏTLƏRİ
Biz Xidmətlər vasitəsilə həyata keçirilən ödənişlərin emalı üçün üçüncü tərəf ödəniş xidmətindən istifadə edə bilərik. Əgər Xidmətlər vasitəsilə ödəniş etmək istəyirsinizsə, Şəxsi məlumatlarınız bizim tərəfimizdən deyil, bu üçüncü tərəflər tərəfindən toplanacaq və bu Məxfilik siyasəti ilə deyil, üçüncü tərəfin Məxfilik siyasəti ilə tənzimlənəcək. Biz üçüncü tərəf tərəfindən Şəxsi məlumatlarınızın toplanmasına, istifadəsinə və açıqlanmasına nəzarət etmir və bununla bağlı məsuliyyət daşımırıq.
Bu Məxfilik siyasəti hər hansı üçüncü tərəfin, o cümlədən Xidmətlərin keçid etdiyi veb-saytları və ya xidmətləri idarə edən üçüncü tərəfin məxfilik, məlumat və ya digər təcrübələrinə şamil edilmir və biz bununla bağlı məsuliyyət daşımırıq. Xidmətlərə keçid linkinin daxil edilməsi zamanı əlaqəli saytın və ya xidmətin biz və ya törəmə şirkətlərimiz, yaxud filiallarımız tərəfindən təsdiqlənməsi nəzərdə tutulmur.
Bundan əlavə, Tətbiqlər və ya Sosial media səhifələrimiz vasitəsilə və ya onlarla bağlı başqa təşkilatlara açıqladığınız hər hansı Şəxsi məlumatlar daxil olmaqla məlumatların toplanması, istifadəsi, açıqlanması və ya digər təşkilatların və ya istənilən digər tətbiq tərtibatçısı, tətbiq təminatçısı, sosial media platforması təminatçısı, əməliyyat sistemi təminatçısı, naqilsiz xidmət təminatçısı, yaxud cihaz istehsalçısının təhlükəsizlik siyasəti və ya təcrübəsi üçün məsuliyyət daşımırıq.
KALİFORNİYA VƏ BAŞQA ŞTATLARDA MƏXFİLİK HÜQUQLARI
Siz Kaliforniya, Kolorado, Konnektikut, Oreqon, Texas, Yuta və ya Virciniya ştatlarının sakinisinizsə, ştatınızda qüvvədə olan qanuna əsasən sizə aşağıdakılar daxil olmaqla Şəxsi məlumatlarınızla bağlı müəyyən hüquqlar verilir:
- Şəxsi məlumatların kateqoriyaları, Şəxsi məlumatların toplandığı mənbələrin kateqoriyaları, Şəxsi məlumatların toplanması, satılması və ya paylaşılmasının biznes və ya ticari məqsədləri, Şəxsi məlumatların Colgate tərəfindən açıqlandığı üçüncü tərəflərin kateqoriyaları və Colgate tərəfindən sizin haqqınızda toplanmış xüsusi Şəxsi məlumatlar daxil olmaqla haqqınızda hansı Şəxsi məlumatları topladığımızı, istifadə etdiyimizi, açıqladığımızı və satdığımızı bilmək hüququ.
- Sizinlə bağlı portativ formatda və texniki cəhətdən mümkün olduğu dərəcədə istifadəyə hazır formatda əlimizdə olan Şəxsi məlumatların nüsxəsini əldə etmək hüququ.
- Şəxsi məlumatların xarakteri və emal məqsədlərinin nəzərə alınması ilə haqqınızda qeyri-dəqiq şəxsi məlumatların düzəldilməsi hüququ.
- Müəyyən Şəxsii məlumatların silinməsini tələb etmək hüququ.
- Veb-saytımızda buraya klikləməklə mümkün ola bilən Şəxsi məlumatlarınızın satışından imtina etmək hüququ.
- Veb-saytımızda mövcud olan "Bizimlə əlaqə" forması vasitəsilə mümkün ola bilən THəssas şəxsi məlumatlarınızın istifadəsini məhdudlaşdırmaq hüququ .
- Biz sorğunuzu rədd etdiyimiz halda, qərarımızdan şikayət etmək hüququ.
Kaliforniyada qüvvədə olan qanuna əsasən, bizdən bu Məxfilik siyasətinin tarixindən əvvəlki 12 aylıq dövrdə haqqınızda hansı məlumatları "satmış" və ya "paylaşmış" olduğumuzu göstərmək tələb edilir. Bu Məxfilik siyasətinin qəbul edilməsi tarixindən əvvəlki 12 ay ərzində biz xidmət, statistika və ya digər qiymətli mükafat qarşılığında səlahiyyətli üçüncü tərəflərə müəyyən şəxsi məlumatları açıqlamışıq.
Şəxsi məlumatların kateqoriyaları
Biznes və ya digər icazə verilən məqsədlər üçün müvafiq şəkildə şəxsi məlumatları açıqladığımız üçüncü tərəflərin kateqoriyaları:
İdentifikatorlar:
- Törəmə şirkətlər
- Xidmət təminatçıları
İnternet/Şəbəkə fəaliyyəti
- Törəmə şirkətlər
- Xidmət təminatçıları
Ticari və ödəniş məlumatları
- Xidmət təminatçıları
- Pərakəndə müştərilər/Biznes tərəfdaşları
Məkan məlumatları
- Xidmət təminatçıları
İstifadəçi tərəfindən yaradılan məzmun
- Törəmə şirkətlər
- Xidmət təminatçıları
- Pərakəndə müştərilər/Biznes tərəfdaşları
Audio/Vizual məlumatlar
- Törəmə şirkətlər
- Xidmət təminatçıları
- Pərakəndə müştərilər/Biznes tərəfdaşlar
Demoqrafik məlumatlar
- Törəmə şirkətlər
- Xidmət təminatçıları
- Pərakəndə müştərilər/Biznes tərəfdaşları
Fiziki xüsusiyyətlər
- Xidmət təminatçıları
Sağlamlıq məlumatları
- Xoşagəlməz hadisə baş verdikdə törəmə şirkətlər
Nəticələr
- Törəmə şirkətlər
- Xidmət təminatçıları
- Pərakəndə müştərilər/Biznes tərəfdaşları
Həssas şəxsi məlumatlar
- Xidmət təminatçıları
Colgate qüvvədə olan qanunlarda müəyyən edilmiş qaydada Həssas şəxsi məlumatları qüvvədə olan qanuna əsasən icazə verilən məqsədlərdən fərqli hər hansı məqsəd üçün istifadə etmir və ya açıqlamır.
Bu Məxfilik siyasətində yuxarıda qeyd edildiyi kimi sizin məlumatlarınızı marketinq məqsədlərilə necə paylaşa biləcəyimiz təsvir edilir. Kaliforniya ştatınının sakinisinizsə, Shine the Light qanunu sizə hər təqvim ili ərzində bir dəfə bizdən üçüncü tərəflərə onların birbaşa marketinq məqsədləri üçün paylaşdığımız hər hansı Şəxsi məlumatınız, o cümlədən bu cür məlumatı paylaşdığımız müəssisələrin adları və ünvanları daxil olmaqla məlumat kateqoriyaları haqqında məlumat tələb etməyə və əldə etməyə icazə verir. Bu məlumatı tələb etmək və ya məxfilik siyasətimiz və Kaliforniya qanunlarına riayət etmək barədə hər hansı başqa sualla bağlı veb-saytımız vasitəsilə bizimlə əlaqə saxlayın.
Sorğuların göndərilməsi
aliforniya, Kolorado, Konnektikut, Oreqon, Texas, Yuta və ya Virciniya ştatlarının sakinisinizsə, ştatınızda qüvvədə olan qanuna əsasən, buraya klikləməklə İstehlakçılarla iş səhifəmizə keçərək və ya 1-800-468-6502 nömrəsinə pulsuz zəng edərək haqqınızda topladığımız Şəxsi məlumatlardan imtina etmək, onlara düzəliş etmək, silmək və/yaxud bu Şəxsi məlumatlar barədə öyrənmək/onları əldə etmək üçün sorğu göndərə bilərsiniz.
Biz ştatda qüvvədə olan qanunun tələblərinə uyğun şəkildə sizin sorğunuza cavab verəcəyik. Nəzərə alın ki, biz Kaliforniya ştatından daxil olan sorğulara 12 aylıq müddət ərzində yalnız iki dəfə cavab verə bilərik.
Kimliyinizin doğrulanması
Bu hüquqlardan istifadə edib, bizə sorğu göndərdiyiniz zaman sizdən bizə elektron poçt ünvanınız və ya məhsullarımızın və xidmətlərimizin əvvəlki sifarişlərinin nömrələri kimi əlavə məlumat verməyinizi istəyərək kimliyinizi doğrulayacağıq. Kimliyinizi doğrulamaq üçün üçüncü tərəf doğrulama xidməti təminatçılarının xidmətlərindən də istifadə edə bilərik.
Şikayət
Kolorado, Konnektikut, Oreqon, Texas və Virciniya ştatlarının sakinləri bizə 1-800-468-6502 nömrəsindən zəng edərək və ya veb-saytımızda mövcud istifadə edərək sorğuları ilə bağlı qəbul etdiyimiz qərardan şikayət edə bilərlər. Virciniya və Konnektikut ştatı sakinlərinin şikayətlərinə 60 gün ərzində cavab verəcəyik. Kolorado ştatı sakinlərinin müraciətlərinə 45 gün ərzində cavab verəcəyik.
Qeyri-ayrıseçkilik
Kaliforniya, Kolorado, Konnektikut, Oreqon, Texas, Yuta və ya Virciniya ştatında qüvvədə olan məlumatlarının məxfiliyi qanunlarına əsasən sorğu verdiyiniz halda, biz heç bir şəkildə sizə qarşı ayrıseçkilik etməyəcəyik. Məsələn, biz endirim və ya digər güzəşt imkanlarınızı rədd etməyəcək, sizə cərimə tətbiq etməyəcəyik, sizə fərqli səviyyəli və fərqli keyfiyyətli güzəşt və ya xidmətlər təklif və təqdim etməyəcəyik.
Avtomatlaşdırılmış qərar qəbulu
Biz ümumiyyətlə avtomatlaşdırılmış qərar qəbuletmə texnologiyasından istifadə etmirik, çünki bu termin ştatın məxfilik qanunları ilə müəyyən edilir. Biz avtomatlaşdırılmış qərar qəbulu texnologiyasından istifadə edəndə bu barədə ayrıca məxfilik bildirişi vasitəsilə sizə məlumat verəcəyik.
Səlahiyyətli nümayəndələr
Şəxsi məlumatlarınızı öyrənmək və ya silmək üçün Səlahiyyətli nümayəndəyə sorğu göndərmək icazəsi verə bilərsiniz. Sizin adınızdan sorğu aldığımız halda, həmin şəxsdən bizə bu şəxsə sizin adınızdan sorğu vermək üçün yazılı icazə verdiyinizin sübutunu təqdim etməsini xahiş edəcəyik. Həmin şəxs sizin icazənizin yazılı sübutunu təqdim edə bilmədikdə Şəxsi məlumatlarınızı qorumaq üçün onun sorğusunu rədd edəcəyik.
YURİSDİKSİYA VƏ SƏRHƏDLƏRARASI ÖTÜRÜLMƏ
Beynəlxalq səviyyədə fəaliyyət göstərdiyimizi nəzərə alaraq, Şəxsi məlumatlarınızın emalı Şəxsi məlumatlarınızın beynəlxalq səviyyədə ötürülməsini ehtiva edə bilər. Şəxsi məlumatlarınız obyektlərimiz olan və ya xidmət təminatçıları ilə əməkdaşlıq etdiyimiz istənilən ölkədə saxlanıla və emal edilə bilər və Xidmətlərdən istifadə etməklə siz Şəxsi məlumatlarınızın yaşayış ölkəniz xaricində olan ölkələrə, sizin ölkənizdən fərqli olan və ya onlara bənzəməyən məlumat mühafizəsi qaydaları olan ölkələrdəki şirkətlərə ötürüləcəyini anlayırsınız. Müəyyən hallarda həmin ölkələrdə fəaliyyət göstərən məhkəmələr, hüquq-mühafizə orqanları, tənzimləyici orqanlar və ya təhlükəsizlik orqanları Şəxsi məlumatlarınıza giriş etmək hüququna malik ola bilər. Xidmətlərdən istifadə edərək və Şəxsi məlumatlarınızı təqdim edərək Xidmətlərin ABŞ qanunvericiliyi ilə tənzimləndiyini qəbul edir və Şəxsi məlumatlarınızın ABŞ-də emal edilməsinə razılıq verirsiniz.
ÖLKƏYƏ XAS MƏXFİLİK HÜQUQLARI
ABŞ-dən kənarda yaşayan şəxslərin öz ölkələrinin qanunvericiliyinə əsasən Şəxsi məlumatlarla bağlı aşağıdakılar daxil olmaqla müəyyən hüquqları ola bilər:
- Şəxsi məlumatlarınızdan necə istifadə etdiyimiz haqqında məlumat əldə etmək hüququ
- Haqqınızda əlimizdə olan Şəxsi məlumatlara giriş etmək hüququ
- Unutma/ silmə hüququ
- Dəyişiklik/ düzəliş hüququ
- Şəxsi məlumatların razılıq əsasında emalı üçün verilən razılığın istənilən zaman geri götürülməsi hüququ
- Şəxsi məlumatların qanuni maraqlar əsasında emalına etiraz etmək hüququ
- Şəxsi məlumatlarınızın emalını məhdudlaşdırmaq hüququ
- Kuki və digər izləmə texnologiyalarının idarə edilməsi/rədd edilməsi daxil olmaqla Şəxsi məlumatlarınızın üçüncü tərəflərə ötürülməsindən imtina etmək hüququ
- Məlumatların portativlik hüququ
- Məlumatların müdafiəsi/nəzarət orqanına şikayət etmək hüququ
Məlumatların məxfiliyinə dair hüquqlarınızın həyata keçirilməsi haqqında daha ətraflı məlumat almaq üçün aşağıya baxın.
Nəzarətçi orqanAvropa İqtisadi Bölgəsi (AİB)
Siz AİB ərazisində yaşayırsınızsa, ölkəniz və regionunuzda, yaxud qüvvədə olan məlumat mühafizəsi qanunlarının pozulduğu yerdə fəaliyyət göstərən məlumat mühafizəsi orqanına şikayətinizi bildirə bilərsiniz. Məlumat mühafizəsi orqanlarının siyahısı burada verilmişdir.
Yurisdiksiya əsaslı və ya sərhədlərarası məlumat ötürülməsinə gəldikdə isə bəzi qeyri-AİB ölkələri Avropa Komissiyası tərəfindən AİB standartlarına uyğun olaraq məlumatların müvafiq dərəcədə qorunmasını təmin edən ölkələr kimi tanınıb (bu ölkələrin tam siyahısı burada mövcuddur). AİB ölkələrindən Avropa Komissiyasının uyğun hesab etmədiyi ölkələrə məlumat ötürülmələri zamanı Şəxsi məlumatlarınızı qorumaq üçün Avropa Komissiyası tərəfindən qəbul edilmiş standart müqavilə müddəaları kimi müvafiq tədbirlər tətbiq edirik. Bu tədbirlərin bir nüsxəsini buraya klikləməklə əldə etmək olar.
AVSTRALİYA
Avstraliyada yaşayırsınızsa, bu bölmə tətbiq edilir.
Bu cür təşkilatlar 1988-ci il Avstraliya Məxfilik Qanununun (Cth) Colgate təşkilatlarına tətbiq olunduğu dərəcədə Qanunda göstərilən kontrollerlərə dair tələblərə əməl edəcək. Bu Məxfilik siyasətinə uyğun olaraq Şəxsi məlumatlarınızın toplanması, istifadəsi və açıqlanması üçün məsuliyyət daşıyan kontrolleri müəyyənləşdirmək məqsədilə buraya klikləyin.
Aşağıdakı ünvana müraciət edərək sizin haqqınızda əlimizdə olan Şəxsi məlumatlara giriş əldə edə, onları yeniləyə və ya düzəldə bilərsiniz:
Məxfilik üzrə məsul şəxs
Level 29
420 George St
Sydney NSW 2000, Avstraliya
E-poçt: PrivacyOfficer_Australia@colpal.com
Sorğunuzu cavablandıra bilmədiyimiz halda, sizə yazılı bildiriş göndərəcəyik. Hətta sorğu göndərmədiyiniz halda, sizinlə bağlı əlimizdə olan Şəxsi məlumatların qeyri-dəqiq, natamam, köhnəlmiş, qeyri-aktual və ya yanıldıcı olduğuna inanmaq üçün əsasımız olarsa, biz bu məlumatları düzəltmək və ya dəyişdirmək üçün ağlabatan addımlar ata bilərik.
MATERİK ÇİNİ
Materik Çinində (Honkonq Xüsusi İnzibati regionu, Makao Xüsusi İnzibati regionu və Tayvan regionu istisna olmaqla) yaşayırsınızsa, bu bölmə sizə şamil edilir. Bu bölmə Materik Çini (Honkonq Xüsusi İnzibati regionu, Makao Xüsusi İnzibati regionu və Tayvan regionu istisna olmaqla) daxilində müxtəlif kanallar vasitəsilə (həm onlayn, həm də oflayn) Şəxsi məlumatların toplanması zamanı Colgate-Palmolive (China) Co., Ltd. şirkəti və onun filiallarına tətbiq olunur. Bu bölmənin məzmunu ilə Colgate-Palmolive şirkətinin Qlobal Məxfilik Siyasəti arasında hər hansı uyğunsuzluq halında bu bölməyə öncəlik verilməlidir.
Məxfilik hüquqları
Hüquqlarınız və onların həyata keçirilməsinin yolları aşağıda verilmişdir:
- Təqdim etdiyimiz xidmətlərin və ya məhsulların əsas və genişləndirilmiş biznes funksiyalarını, hər funksiya üçün toplanan müəyyən şəxsi məlumatları və onların məqsədlərini bilmək hüququ. Müəyyən hallarda (məsələn, tətbiqdən və ya miniproqramdan istifadə edərkən) şəxsi məlumatları toplamaq üçün tələb olunan zəruri icazələri bilmək hüququ, habelə bizim qurduğumuz SDK-ların növləri və adlarını, həmçinin şəxsi məlumatların toplanmasının məqsədləri, növləri və metodlarını bilmək hüququ. Zəruri hallarda bu məlumatın təfərrüatlı açıqlamaları sizə təklif etdiyimiz xüsusi xidmət və ya məhsulların məxfilik siyasətində təqdim olunacaq. Müvafiq olduqda xidmət və ya məhsullardan istifadə edərkən bu siyasətlə tanış olun;
- Müəyyən şəxsi məlumatları əldə etmək, köçürmək, düzəltmək, tamamlamaq və ya silmək hüququ;
- Fərdiləşdirilmiş reklam tövsiyələri xidmətindən imtina etmək hüququ;
- Razılığı ləğv etmək hüququ;
- Mümkün olduqda hesabınızı qeyri-aktiv etmək hüququ; və
- Şəxsi məlumatlarınızın müəyyən məhsul və ya xidmətlərlə bağlı necə emal edildiyinin izahını tələb etmək hüququ.
Siz İstehlakçılarla iş şöbəsinə müraciət edərək və ya müəyyən ssenarilərdə şəxsi məlumatlarınızı toplamağa razılıq verdikdə sizə verilən xüsusi metodlardan istifadə edərək yuxarıda göstərilən hüquqlardan istifadə edə bilərsiniz.
Sərhədlərarası ötürmələr
Prinsipcə Materik Çinindəki fəaliyyətimiz zamanı toplanmış və əldə edilmiş şəxsi məlumatları ölkə daxilində saxlayırıq. Şəxsi məlumatlarınızı yalnız sizinlə bağladığımız müqavilənin şərtlərini yerinə yetirmək və ya digər qanuni emal məqsədləri üçün xarici şirkətlərə təqdim edəcəyik. Belə hallarda biz Çin qanunlarının tələblərinə əsasən sizə həmin xarici alıcının adı, əlaqə məlumatları, emal məqsədləri, emal metodları, ona ötürülən şəxsi məlumatların növləri, eləcə də onunla bağlı hüquqlarınızdan istifadə etmək və ayrıca razılığınızı almağa imkan verən üsul və prosedurlar, həmçinin öz üzərimizə götürməli olduğumuz digər öhdəliklər barədə məlumat verəcəyik.
Şəxsi məlumatlarınızı necə qoruyuruq?
Məlumatlarınızı qorumaq və onlara icazəsiz girişin, onların ictimaiyyətə açıqlanması, istifadəsi, dəyişdirilməsi, zədələnməsi və ya itirilməsinin qarşısının alınması məqsədilə standart və ağlabatan şəkildə həyata keçirilən təhlükəsizlik tədbirləri yaratmışıq. Məsələn, [biz şəxsi məlumatların təhlükəsizliyini artırmaq üçün şifrələmə texnologiyasından istifadə edirik; brauzerin və bizim serverin mübadilə etdiyi məlumatlar SSL protokolunun şifrələnməsi ilə qorunur; biz etibarlı izləmə məqsədilə HTTPS protokolu təqdim edirik; şəxsi məlumatlara zərərli hücumların qarşısını almaq üçün etibarlı müdafiə mexanizmlərindən istifadə edirik; yalnız səlahiyyətli şəxslərin şəxsi məlumatlara giriş əldə edə biləcəyinə zəmanət vermək üçün girişə nəzarət mexanizmləri tətbiq edirik. Şəxsi məlumatların mühafizəsinin vacibliyi barədə əməkdaşların məlumatlılığını artırmaq üçün informasiya təhlükəsizliyi və məxfiliyin qorunması üzrə təlim kursları keçiririk. Təşkilati quruluş, sistemin layihələndirilməsi, kadrların idarə edilməsi və məhsul istehsalı texnologiyası baxımından şəxsi məlumatların təhlükəsizliyini artıraraq sənayedə məlumat təhlükəsizliyinin idarə edilməsi üzrə qabaqcıl sistem qurmuşuq.]
Məxfilik siyasətimizin yenilənməsi
Sizə daha keyfiyyətli xidmət göstərmək üçün biznesimiz inkişaf etdikcə Məxfilik siyasətimiz də vaxtaşırı olaraq yenilənəcək. Sizin xüsusi razılığınız olmadan biz bu Məxfilik siyasətində nəzərdə tutulmuş hüquqlarınızı məhdudlaşdırmayacağıq. Yenilənmiş versiyaları nəşr edəcək və bu siyasətdə edilən hər hansı dəyişiklik qüvvəyə mindikdə onu veb-saytımızda dərc edəcəyik və ya məzmunun yenilənməsini digər müvafiq yollarla xatırladacağıq. Məxfilik siyasətinin son dəyişikliklərindən xəbərdar olmaq üçün Colgate-in rəsmi veb-saytına, tətbiqinə və digər məhsul və xidmət portallarına daxil olun. Bu Məxfilik siyasətində əhəmiyyətli dəyişikliklər edildikdə sizə anidən peyda olan pəncərələr, mətn mesajları və ya birbaşa e-məktub kimi, daha nəzərəçarpan bildirişlər təqdim edəcəyik.
Fövqəladə hallarda çevik reaksiya planı
Şəxsi məlumatlarınızın potensial sızması, məhv edilməsi və ya itirilməsi risklərini aradan qaldırmaq üçün fövqəladə hallarda çevik reaksiya komandası yaradılmışdır. Şirkətin təhlükəsizlik hadisələri ilə iş standartlarına uyğun olaraq, itkilərin qarşısını almaq, təhlil etmək, vəziyyətin düzəldilməsi üçün tədbirlər hazırlamaq məqsədilə müxtəlif təhlükəsizlik hadisələrinə dair təhlükəsizliyin təmin edilməsi planları hazırlayıb, pozuntuların izlənməsi və qarşısının alınması üçün müvafiq şöbələrlə əməkdaşlıq edirik. Biz həmçinin sizi qanun və normativ aktların tələblərinə uyğun olaraq vaxtında məlumatlandıracağıq: təhlükəsizlik hadisəsinin ilkin vəziyyəti və mümkün nəticələri, tətbiq etdiyimiz və ya edəcəyimiz tədbirlər, risklərin müstəqil şəkildə qarşısını ala və azalda bilməyiniz üçün tövsiyələr, habelə vəziyyətin düzəldilməsi tədbirləri. Müvafiq vəziyyət barədə e-poçt, məktub, telefon, məlumatlandırıcı bildirişlər və s. vasitəsilə ən qısa zamanda sizə məlumat verəcəyik. Şəxsi məlumatların hər bir subyektini fərdi olaraq xəbərdar etmək çətin olarsa, elanların dərc olunması üçün ağlabatan və səmərəli tədbirlər görəcəyik. Eyni zamanda şəxsi məlumatların təhlükəsizliyi hadisələrinə dair aparılan işlərin gedişatı barədə tənzimləyici orqanlara əvvəlcədən məlumat verəcəyik.
Bizimlə əlaqə
Şirkətimizdə Şəxsi məlumatlarınızın təhlükəsizliyinə görə məsuliyyət daşıyan xüsusi əməkdaşlar çalışır. Şəxsi məlumatlarınızın emalı və ya bu Məxfilik siyasəti ilə bağlı suallarınız və ya şikayətləriniz, yaxud şərhləriniz varsa, İstehlakçılarla iş şöbəsi vasitəsilə bizimlə əlaqə saxlaya bilərsiniz. Biz kimlik doğrulaması keçirəcək və 15 (on beş) iş günü ərzində sizə cavab verəcəyik. Şəxsi məlumatların qeyri-qanuni emalı haqqında Çin Xalq Respublikasının (Honkonq Xüsusi İnzibati regionu, Makao Xüsusi İnzibati regionu və Tayvan regionu istisna olmaqla) şəxsi məlumatların qorunması üçün məsuliyyət daşıyan departamentlərinə də şikayət və hesabatlar verə bilərsiniz.
YAPONİYA
Yaponiyada yaşayırsınızsa, bu bölmə tətbiq edilir.
Bu Məxfilik siyasətində verilən terminlərin tərifləri aşağıdakı kimidir:
“Şəxsi məlumatlar” dedikdə Şəxsi məlumatların mühafizəsi haqqında Qanunda (2003-cü il tarixli 57 nömrəli Qanun) müəyyən edilmiş "Şəxsi məlumatlar" başa düşülür və bu məlumatlardan şəxsi təkbaşına və ya digər məlumatlarla birlikdə sadə çarpaz yoxlama yolu ilə müəyyən etmək üçün istifadə oluna bilər (lakin bunlar mütləq məlumat bazası və ya ekvivalenti olmaya bilər).
“Həssas şəxsi məlumatlar” və "Həssas şəxsi informasiya" dedikdə kimliyi müəyyən edilə bilən şəxsin irqi, dini etiqadı, sosial statusu, xəstəlik tarixçəsi, məhkumluq barədə qeydləri, cinayət əməli nəticəsində zərərçəkən olması faktı və ya bu şəxsə qarşı ədalətsiz ayrıseçkilik, qərəzlilik və ya digər çətinliklərə səbəb olunmaması üçün Nazirlər Kabinetinin Qərarı ilə xüsusi ehtiyatlılıq tələb edən digər identifikatorlar və ya onların ekvivalentləri başa düşülür.
Şəxsi məlumatların paylaşılması
Birgə istifadə
"ŞƏXSİ MƏLUMATLARINIZI NECƏ AÇIQLAYIRIQ?" bölməsində göstərildiyi kimi, Şəxsi məlumatlarınızı törəmə şirkətlərimizlə, filiallarımızla və markalarımızla birlikdə bu Məxfilik siyasətinin "ŞƏXSİ MƏLUMATLARINIZDAN NECƏ İSTİFADƏ EDİRİK?" bölməsində təsvir olunan məqsədlər üçün istifadə edirik. Birgə istifadə olunan Şəxsi məlumatların kateqoriyaları da bu Məxfilik siyasətinin "HANSI ŞƏXSİ MƏLUMATLARI TOPLAYIRIQ?" bölməsində təsvir edilmişdir. Bu birgə istifadə üçün Hill 's-Colgate (Japan) Ltd. məsuliyyət daşıyır. Birgə istifadə haqqında əlavə məlumat almaq üçün bizimlə burada əlaqə saxlayın.
Autsorsinq
Biz şəxsi məlumatların emalının bütöv hissəsini və ya bir qismini üçüncü tərəf xidmət təminatçılarına və ya digər üçüncü tərəflərə autsorsinq edə bilərik. Bu cür hallarda biz, məsələn, Şəxsi məlumatların təhlükəsiz idarə olunmasına zəmanət vermək məqsədilə onlarla Şəxsi məlumatların emalına dair müqavilələr bağlamaq yolu ilə bu üçüncü tərəflərə lazımi və müvafiq şəkildə nəzarət edəcəyik.
Sərhədlərarası ötürmələr
Şəxsi məlumatlarınız Yaponiyadan kənara da ötürülə bilər. Hətta Yaponiyanın məlumatların qorunması orqanı olan Şəxsi Məlumatların Müdafiəsi Komissiyası ("PPC") tərəfindən Yaponiya ilə eyni mühafizə rejiminə malik olması tanınmayan ölkələrdə (Yaponca ekvivalent müdafiə rejiminə malik) alıcılar Şəxsi məlumatlarınızın biz daxil olmaqla qrup daxilində mövcud olan ümumi qaydalara və ya fərdi müqavilələrə əsasən qorunacağından əmin ola bilər.
Sərhədlərarası ötürmə ilə bağlı ətraflı məlumat almaq üçün buradan bizimlə əlaqə saxlayın.
Nəzarətçi orqan
Siz şikayətlərinizi PPC-yə də bildirə bilərsiniz.
YENİ ZELANDİYA
Yeni Zelandiyada yaşayırsınızsa, bu bölmə tətbiq edilir.
Biz şəxsi məlumatlarınızı (tibbi məlumatlarınız da daxil olmaqla) 2020-ci il Məxfilik Qanunu və 2020-ci il Tibbi Məlumatların Məxfiliyi Kodeksinin tələblərinə uyğun olaraq toplayacaq, saxlayacaq, istifadə edəcək və ötürəcəyik. Sizdən toplaya biləcəyimiz məlumatlar, onların istifadə edilə biləcəyi məqsədlər, saxlanma qaydaları və ötürülə biləcəkləri şəxslər barədə məlumatlar bu Qlobal Məxfilik Siyasətində qeyd edilmişdir.
Bundan əlavə, biz sizə aid hər hansı Şəxsi məlumatdan istifadə etməzdən və ya onu açıqlamazdan öncə bu Şəxsi məlumatın dəqiq, aktual, tam, müvafiq və yanıldıcı olmadığına əmin olmaq üçün müvafiq tədbirlər görəcəyik.
Şəxsi məlumatlarınızı necə topladığımıza, saxladığımıza, istifadə etdiyimizə və ya açıqladığımıza dair suallarınız, narahatlıqlarınız və şikayətləriniz varsa və ya şəxsi məlumatlarınıza giriş etmək və ya onları düzəltmək istəyirsinizsə, [insert] ilə əlaqə saxlayın.
Şikayətinizi məxfi şəkildə nəzərdən keçirəcək və araşdırdıqdan sonra vəziyyəti düzəltməyin yollarını müzakirə edəcəyik. Şikayətinizə ağlabatan müddətdə (və hər halda 2020-ci il Məxfilik Qanunu ilə tələb olunan müddət ərzində) cavab verilməsini təmin edəcəyik".
FİLİPPİN
Filippində yaşayırsınızsa, bu bölmə tətbiq edilir.
Biz müvafiq qaydada 2012-ci il Məlumatların Mühafizəsi haqqında Qanunun Şəxsi məlumatların emalına dair tələblərinə əməl edəcəyik. Şəxsi məlumatlarınıza giriş etmək, onları düzəltmək, silmək və onların emalına etiraz etmək hüququnuz, həmçinin məlumatların portativliyi ilə bağlı hüquqlarınız var. Şəxsi məlumatlarınızı necə topladığımıza, saxladığımıza, istifadə etdiyimizə və ya açıqladığımıza, yaxud emal etdiyimizə dair suallarınız, narahatlıqlarınız və şikayətləriniz varsa və ya məlumat məxfiliyinə dair hüquqlarınızdan istifadə etmək istəyirsinizsə, privacy_cppi@colpal.com ünvanına yazın.
MƏLUMATLARINIZLA BAĞLI MƏXFİLİK HÜQUQLARINIZDAN İSTİFADƏ QAYDASI
Qüvvədə olan yerli qanunlara uyğun olaraq məlumatların məxfiliyi hüquqlarınızdan istifadə etmək istəyirsinizsə, İstehlakçılarla iş şöbəsinə müraciət edərək bizimlə əlaqə saxlaya bilərsiniz. Biz qüvvədə olan yerli qanuna əsasən sizin sorğunuza cavab verəcəyik.
Təhlükəsizliyiniz məqsədilə biz yalnız bizə sorğunuzu göndərmək üçün istifadə etdiyiniz müəyyən elektron poçt ünvanı ilə əlaqəli Şəxsi məlumatlarla bağlı sorğuları yerinə yetirə bilər və sorğunuzu yerinə yetirməzdən əvvəl kimliyinizi doğrulamalı ola bilərik. Ən qısa və mümkün zamanda sorğunuzu cavablandırmağa çalışacağıq.
Nəzərə alın ki, qeydlər aparmaq və/və ya dəyişiklik və ya silmə istəyinizdən əvvəl başladığınız istənilən əməliyyatı tamamlamaq (məsələn, alış-veriş edəndə və ya kampaniyada iştirak edəndə bu cür alış-veriş və ya kampaniya başa çatana qədər verilmiş Şəxsi məlumatları dəyişə və ya silə bilməzsiniz) və ya imtina tələblərini cavablamaq üçün müəyyən məlumatları saxlamalıyıq.
MƏXFİLİK SİYASƏTİNDƏ YENİLİKLƏR
Bu Məxfilik siyasətinin yuxarı hissəsində "SON YENİLƏNMƏ" yazısı bu Məxfilik siyasətinin son yenilənmə tarixini göstərir. İstənilən dəyişiklik Xidmətlərdə yenidən nəzərdən keçirilmiş Məxfilik siyasəti dərc olunduqdan sonra qüvvəyə minəcək. Bu dəyişikliklər edildikdən sonra Xidmətlərdən istifadə etdiyiniz halda, dəyişdirilmiş Məxfilik siyasətini qəbul etmiş olursunuz.
BİZİMLƏ ƏLAQƏ
Bu Məxfilik siyasətinə uyğun olaraq Şəxsi məlumatlarınızın toplanması, istifadəsi və açıqlanması üçün məsuliyyət daşıyan nəzarətçini müəyyənləşdirmək üçün buraya klikləyin.
Bu Məxfilik siyasəti ilə bağlı hər hansı sualınız olarsa, İstehlakçılarla iş şöbəsi və ya aşağıdakı ilə əlaqə saxlayın:
Colgate-Palmolive şirkəti
Kimə: Ümumi Məlumat Mühafizəsi
300 Park Avenue
New York, NY 10022
Amerika Birləşmiş Ştatları
